Oddny bloggar

Litli ormurinn

2008-03-30T21:19:00.002Z

Hérna sjáið þið litla okkar 11 vikna og 4 daga gamalt :)

Á miðjumyndinni snýr hann/hún andlitinu fram.

Svo er bara mæðraskoðun á morgun og þá fáum við að heyra hjartsláttinn!

15 vikur og 2 dagar

2008-03-24T13:22:00.003Z

Já þá er það loksins orðið almennilega opinbert!

Við eigum von á litlu kríli í september:)

Allt hefur gengið mjög vel so far sjö níu þrettán!!!

Ég er reyndar alveg endalaust þreytt og legg mig á daginn eins og ungabarn og er oftar en ekki komin í rúmið rétt eftir fréttir;)

Það sást á mér mjööööög fljótt og var ég í mestu vandræðum með að fela bumbuna, sérstaklega þó fyrir Róberti en við vildum ekki segja honum of snemma. Hann fékk að vita þetta núna um helgina og er hann mjög spenntur að verða stóri bróðir! Hann vonast nú eftir að fá bróðir...já já það kemur nú bara í ljós hehehe.

Þar hafið þið það!

Ein af bumbunni 15+2;)

2008-01-20T17:13:00.000Z

Hæ hæ!

Ósköp lítið að frétta héðan...bara vinna, éta, sofa!

En hér eru nokkrar myndir fyrir Gumma!

Og ein af Jónmundi fyrir utan útidyrnar hjá okkur í dag:)

Gamlárskvöld

2008-01-01T16:22:00.001Z

GLEÐILEGT NÝTT ÁR 2008

Við vorum svo lukkuleg að okkur var boðið í mat til Þráins, Önnu og stelpnanna.

Við vorum mætt til þeirra um sjöleytið, strákarnir kláruðu að græja matinn á meðan við Anna fengum okkur ljúffengan Mojito!

Svo var sest til borð og gjörsamlega borðað yfir sig, við fengum kalkún og tilheyrandi sem var alveg sjúklega gott.

Eitthvað var sprengt upp fyrir áramótaskaupið svona til þess að láta tímann líða en svo hlömmuðum við okkur öll fyrir framan sjónvarpið til þess að horfa á þennan árlega þátt sem tekst misvel til, mér fannst þetta allt í lagi en ekkert meira en það.

Rétt áður en skaupið kláraðist tókum við eftir því að mikinn reyk lagði úr húsinu fyrir neðan okkur eða um 10 metrum frá og á sömu stundu sáum við Bjögga og Láru frænku hlaupa þarna fyrir utan og kalla að það væri gas og súr inn í húsinu, strákarnir hlupu út til að kanna ástandið. Bjöggi hringdi í slökkvilið og enginn vissi hvort fólk væri inni eða ekki og var farið í að athuga það en það var mannlaust sem betur fer, við Anna myndskreyttum þetta agalega og vorum farnar að tárast því við sáum fyrir okkur börnin borin út.

Bíll fólksins sem á heima þarna lá þétt upp við húsið og var fólk hrætt um að hann yrði eldinum að bráð en eigandinn kom svo og náði að færa hann.

Slökkviliðið mætti svo á svæðið og fóru í það að vinna sína vinnu, um 1,5 tíma síðar kom grafa að rífa upp þakið svo hægt væri að slökkva eldinn endanlega.

Það rann algjörlega af okkur öllum og duttum bara úr öllu stuði en urðum svo allt í einu vör við að klukkan var miðnætti og kysstumst öll og reyndum að hressa okkur við, skelltum okkur út og skutum einhverju upp.

Jónmundur keypti þrjár kökur en skaut bara einni upp, þá bara eigum við fyrir þrettándann:)

Strákarnir púuðu ekta kúbverskan vindil sem þeim þótti voða gaman af en þeir reykja hvorugir svo þetta var hálfspaugilegt, ég var fengin til að prufa líka en þótti nú ekkert spes, gaman að þessu samt:)

Þegar klukkan var farin að ganga þrjú voru slökkviliðsbílar, sjúkrabílar ofl ennþá fyrir neðan hús og lokuðu þar með innkeyrslunni til Þráins og Önnu og við gátum því ekki keyrt heim svo við klæddum okkur vel og örkuðum af stað heim á leið, veðrið var nú ekki það besta og þegar við vorum hálfnuð þá stoppa hjón út í kanti og bjóða okkur far heim, kom svo í ljós að þetta voru nágrannar okkar sem búa fyrir aftan hús hjá okkur, yndislegt fólk:)

Ég vona að þið hafið átt yndisleg áramót, þau voru soldið sérstök hjá okkur.

Sjáumst hress á nýja árinu sem var að ganga í garð:)

Ég, Viktoría og Petrea

Jónmundur, Anna, Þráinn og Petrea 5 sekúndum áður en við sáum reykinn einmitt út um þennan glugga
Grettumynd sem Petrea tók, hún vildi endilega að við mundum gretta okkur:)

Eldurinn logar glatt!!!

Tekið heiman frá Láru

Jónmundur púar þennan kúbverska og Þráinn fylgist galvaskur með:)
Ég að prófa hehehe:)

Myrkur og kósýheit!

2007-12-30T17:26:00.000Z

Þá eru jólin að ganga yfir og gamlárs á morgun, rosalega líður tíminn hratt:)
Við höfðum það ofsalega gott yfir jólin, pabbi og Veigar voru hjá okkur og slökuðum við þrjú bara vel á en Jónmundur greyið þurfti að vinna yfir hátíðirnar, hann kom þó heim í matinn en þurfti að fara svo aftur til þess að rúlla næturmatnum yfir, þetta hafðist allt hjá kallinum en mikið var hann samt orðinn þreyttur.
Við fengum margt fallegt í jólagjöf þetta árið og þökkum við öllum kærlega fyrir okkur og Róbert en hann kom nokkrum dögum fyrir jól og héldum við þá litlu jólin þar sem hann opnaði gjafir frá okkur og okkar fólki sem var mjög gaman. Við gáfum honum bílabraut sem við sáum fyrir okkur í herberginu hans en vorum fljót að átta okkur á því að hún kæmist nú ekki fyrir þar því hún er þrír metrar á lengdina svo henni var bara skellt saman í bílskúrnum, þetta þótti kútnum ekki leiðinlegt enda mikill bílakall og þarna sátum við frá morgni fram á kvöld í bílaleik hehehe:)
Jónmundur yndislegi gaf mér skíði og fylgihluti sem mig hefur langað í lengi, algjör perla:)
Ég gaf honum veiðistöng sem hann hefur langað í lengi:)
Pabbi og Veigar fóru aftur suður á annan í jólum sem betur fer eiginlega þó ég hefði gjarnan viljað hafa þá lengur en það gerði ægilega vont veður daginn eftir að ég hefði ekki viljað keyra þá.
Nú sit ég ein heima og rafmagnið er búið að fara þrisvar af hjá mér í dag, það er kolniðamyrkur úti og brjálað veður, rigning og hífandi rok þannig að þegar rafmagnið fór fyrst af þá sá ég ekki glóru en fartölvan var í gangi svo ég gekk með hana inn í bílskúr og fann eldspýtur þar og á náttla alveg helling af kertum og kveikti á þeim, mikið var það kósý. Ég er nú eiginlega ekki alveg að fatta hvað er í gangi akkúrat núna en það er rafmagnslaust en samt ljós í eldhúsinu og ganginum en sjónvarpið vill ekki í gang og ekki jólaseríurnar mínar hmmm spurning um að maður fari og kanni hvað er í gangi eiginlega!

Ég óska ykkur öllum Gleðilegs nýs árs:)

Kveðja, Oddný í myrkrinu!

Jólin eru að renna í hlaðið!

2007-12-24T09:26:00.000Z

Mig langar bara til þess að óska ykkur sem lesið þetta blogg,

Gleðilegra jóla og farsæls nýs árs!

Hafið það gott yfir hátíðirnar elskurnar mínar:)

Hér eru hvít jól og hingað eru pabbi og Veigar komnir til að vera yfir jólin:)

Óboðinn næturgestur

2007-12-18T15:06:00.000Z

Á sunnudagskvöld vorum við hjúin alveg dauðþreytt eftir amstur helgarinnar, við fórum í rúmið og gátum engan vegin sofnað, ég kveikti á sjónvarpinu og við horfðum til að verða 1 um nóttina. Svo reyndum við að sofna...ekkert gekk og kl 1:30 þá heyrði ég að einhver var frammi, ég heyrði einhvern á vappinu og eitthvað datt og svo heyrði ég eitthvað "klikk" eins og einhver væri að kveikja og slökkva á ljósum...ég pikka í Jónmund og segi honum að það sé einhver inn í húsinu, hann stökk á fætur og ég á eftir...við örkuðum um allt húsið og meira að segja upp á háaloft en fundum engan svo við lokuðum öllum hurðum og fórum aftur upp í rúm...og ennþá gátum við ekki sofnað þó dauðþreytt værum!

Kl 3:30 erum við ennþá vakandi og þá heyri ég mjálm...andskotinn sögðum við bæði sem hvorugt erum þekkt fyrir mikla velvild í garð katta...okkur finnst kettir vera ógeðslegir!!!

Við örkum af stað og leitum og leitum...inn í öllum herbergjum...bak við sófa...bak við gardínur...inn í bílskúr og upp á háalofti en ekkert fundum! Þegar þarna er komið við sögu erum við orðin illa rauðeygð af þreytu og ansi pirruð...ekki besta formúlan til þess að sofna en við dottuðum þarna einhvern tíman um 4 leytið.

Við vöknum um 7, vorum bæði að fara í vinnuna þegar helvítið byrjar að mjálma aftur, ég mjálma á móti og alltaf svaraði kötturinn mér svo við gengum á hljóðið...haldiði að helvítið hafi ekki verið upp á háalofti allan tímann og þorði ekki niður, ég fer upp í fússi og ætla að ná honum en nei nei þá tekur minn upp á því að fela sig lengst inn í horni á bakvið dekk og kassa og töskur!!!

Nú var Jónmundi nóg boðið og hann kom stormandi upp á loft líka og náði hann að fæla kvikindið niður stigann!

Kötturinn fór beint inn í þvottahús og upp í glugga þar en glugginn var lokaður svo hann komst ekki út...við vorum bæði orðin sótsvört í framan og kötturinn skyldi út!!! Mér datt það snjallræði í hug að grípa í hnakkadrambinn á honum og grýta honum út svo hann skyldi muna það að hingað sé hann ekki velkominn, ég næ í hnakkann en sleppi um leið því kötturinn hvæsti svoleiðis á mig og var klár með klærnar...hann minnti á ROTTU!!! Ég öskraði af hræðslu og hljóp inn í bílskúr og Jónmundur gerði sig kláran í næstu lotu...hann náði að ýta kvikindinu úr glugganum og þar með hljóp hann út!!!

Annars er það að frétta að eldhúsið í álverið opnaði í dag og var minn maður ásamt Þránni og Guðna að vinna til að verða 1 í gærkvöldi og var farinn út rúmlega 5 í morgun!!! Hádegið gekk samt að óskum þó færri hefðu mætt en þeim var sagt svo þeir sitja uppi með hellings afgang!

Ég er búin með mína aðlögun í skólanum og er komin í jólafrí:)

Upp á stól...!!!

2007-12-10T08:53:00.000Z

Haldiði að mín sé ekki búin með jólagjafirnar!!! Svei mér þá, ég er meira að segja búin að pakka inn helmingnum! Ég ætla að reyna að klára þetta í dag og senda í borgina!
Þá á eftir að skrifa á jólakortin en ég er búin að prenta út myndirnar og líma inn í kortin!
Ég stefni líka á að baka sörubotna í dag og hnoða í lagtertu!

Þegar ég var lítil söng ég alltaf:

Jólasveinar ganga um gólf með gylltan staf í hendi
Móðir þeirra sópar gólf og flengir þá með vendi
Upp á stól stendur mín kanna
Níu nóttum fyrir jól þá kem ég til manna

Í dag er ég á þeirri skoðun að textinn sé eftirfarandi:

Jólasveinar ganga um gólf með GILDAN staf í hendi
Móðir þeirra sópar gólf og flengir þá með vendi
Upp á HÓL STEND ÉG OG KANNA
Níu nóttum fyrir jól þá kem ég til manna.

Mér finnst þetta hreinlega meika meira sens en gamli góði upp á stól stendur samt alveg fyrir sínu og þegar ég vann á leikskóla hér á árum áður þá ruglaðist ég alltaf og blandaði ég alltaf gömlu og nýju útgáfunni saman og út kom einhver óskiljanlegur hrærigrautur.

Eigi auðnuleysingi lengur!

2007-12-06T11:48:00.000Z

Ég er komin með vinnu í Alcoa-deild Grunnskólans á Eskifirði, þar eru börn starfsmanna Alcoa sem fara líklega öll til síns heimalands í vor, þetta eru krakkar á öllum aldri og eru þau með námsefni frá Bandaríkjunum. Ég fór að skoða í gær og leist mér afskaplega vel á þetta og hlakka bara til að byrja en ég fer í smá aðlögun 13, 14, 17 og 18 desember og byrja svo á fullum krafti í janúar.

Nú ætla ég á fullt í jólabaksturinn, er þó búin með sörurnar sem ég var að baksa við í síðustu færslu og heppnuðust þær alveg ofsalega vel, ég þarf bara að baka meira af þeim þar sem það við erum svona að laumast í eina og eina;)

Við hjúin ætlum að skella okkur upp í Egilsstaði um helgina og klára jólagjafirnar, svo er bara að skrifa í jólakortin og koma þessu frá sér, kostar ekki 500 kall að senda pakka með Flytjanda ef maður getur borið hann inn? Þá treður maður bara mörgum saman hehe;)

Set mynd hérna af einum afskaplega sætum sem var í myndatöku hjá mér um daginn;)

20 dagar til jóla

2007-12-04T12:12:00.001Z

Já það styttist heldur betur hratt í jólin, við erum búin að skreyta hér, vantar bara jólatréð en það kemur nú ekki strax.

Ég er að gera mína fyrstu tilraun í sörubakstri, botnarnir heppnuðust allavega mjög vel, þá er bara ekkert annað en að vinda sér í kremið.

Anna og Viktoría Sif voru hérna hjá mér í gær, ég átti til svampbotn og marengs og ákvað að setja saman Grétutertu fyrir okkur sem er nota bene fjölskyldutertan sem allir elska í minni fjölskyldu og vill svo til að þetta er tertan sem allir í Önnu fjölskyldu elska líka! Ég set á kökuna og ætla svo að setja hana inn í kælinn, þurfti aðeins að arisera fyrst svo hún kæmist fyrir og hélt á kökunni á meðan með annari hendi, áður en ég vissi af rann kakan svona af disknum en ég rétt náði að ýta disknum að þannig að bara smá marengs fór í gólfið en kremið gjörsamlega út um allt gólf og hillur og skúffur...algjör klaufi sem maður er en við Anna gátum allavega hlegið að þessu hahaha:)

Ég er komin með smá ljósmyndastúdíó hérna heima...reyndar bara svona smáredding, er búin að taka Fjólu Guðrúnu hennar Oddnýjar Svönu í jólamyndatöku og Viktoríu Sif hennar Önnu með stóru systir sinni henni Petreu, þær eru svo saman í mömmuklúbb og auglýstu mig, ein kom í morgun með þrjá stráka í myndatöku en litlinn var ekki nógu hress svo hún ætlaði að leyfa honum að leggja sig og koma svo bara aftur, þetta finnst mér sko ekki leiðinlegt:)

Hver veit nema þetta verði bara aukavinna hjá manni en ég er nú reyndar ekki komin með vinnu ennþá, fer þó í atvinnuviðtal á morgun úúúúúú spennandi:)

Hér snjóar bara, allt hvítt hjá okkur og er bara orðið ofsalega jólalegt um að lítast, ég hlakka mikið til jólanna enda mikið jólabarn í mér:)

Set smá sýnishorn hér af myndum;)

p.s. Takk fyrir öll kommentin í færslunni hér á undan, væri gaman ef allir væru alltaf svona duglegir að kvitta hehehe;)

Íbúðin er farin

2007-11-13T08:50:00.000Z

Já eins og titillinn segir til um að þá erum við búin að selja íbúðina okkar, hún fór í síðustu viku og er okkur hjúum mikið létt þó við hefðum gjarnan viljað eiga hana. Leigumarkaðurinn er bara svo mikið happdrætti og vorum við ekki til í að treysta á að fá góða leigjendur þannig að þetta er bara mjög gott mál!

Jólaandinn er að detta á mig hérna fyrir austan og gerði ég mér lítið fyrir og spilaði jólalög í gær og bakaði lagtertu mínum heittelskaða til mikillar ánægju:)

Já ég er farin að hlakka alveg ofsalega til jólanna enda mikið jólabarn, ég þarf að hemja mig í að halda skreytingunum ofan í kassa en bíð þess í ofvæni að taka það upp og skreyta húsið greinum grænum falalalala falalala!

Róbert kom í fyrsta skipti um daginn og var í tæpa viku hjá okkur, það var rosa gaman hjá okkur og var hann ekki lengi að eignast vini hér. Hann fór líka í fyrsta skipti í flugvél og fannst honum það alveg ótrúlega skemmtilegt:) Hlökkum bara til þess að hann komi aftur.

Jónmundur fór í bæinn í síðustu viku og sótti Róbert í skólann og var með honum þann daginn, Róbert hringdi og tilkynnti mér að það væri sko strákadagur hjá þeim feðgum og var hann ótrúlega montinn með það litli kallinn:)

Ef þú lest þetta blogg þá máttu gjarnan kvitta fyrir komunni, ég nenni ekkert að blogga ef enginn er að lesa:)

Bestu "jóla" kveðjur úr dalnum!

Veðrið er skítlegt!!!

2007-10-25T17:20:00.000Z

Þegar við vöknuðum í morgun var ógeðslegt veður úti, hífandi rok og grenjandi rigning!
Ég sagði Jónmundi bara að fara á bílnum...ég nefnilega nennti ekki á fætur kl 7 !!!

Ég bakaði bananabrauð í gærkvöldi og svo horfðum við á Kaldaljós, spes mynd...alveg áhugaverð en samt svona...þung og típísk íslensk mynd en alltaf gaman að sjá íslenskar myndir samt sem áður.

Ef menn ætla að lesa fríu blöðin eins og 24 stundir og Fréttablaðið þá þarf fólk einfaldlega að ná í það út í sjoppu hér á Esk, en mér til mikillar undrunar komu þau inn um lúguna í morgun en ég skyldi ekkert í því, svo kom Hrönn í kaffi og tjáði mér að hún hefði komið með þau, bankað greinilega mjög létt því ekki heyrði ég í henni...en flott þjónusta hehehe.

Jæja ætla að glápa á Bold!!!

2007-10-22T12:27:00.000Z

Við komum til Eskifjarðar á sunnudaginn, degi fyrir áætlun en það reddaðist nú alveg fyrir horn með góðri hjálp ættingja og vina.

Við vorum búin að stressa okkur allt of mikið fyrir þessa flutninga og það var nú bara algjör vitleysa því við vorum fljót að átta okkur á að það er virkilega gott að vera hér í firðinum fagra.

Eins og einhverjir vissu að þá ætlaði ég að fara að vinna hérna á leikskólanum sem er hér í næstu götu við mig og hlakkaði ég mikið til. En nú er ég hætt við, ástæðan er einfaldlega sú að ég get ekki sætt mig við láglaunastefnu í þessum geira, ég vissi að launin væru lág en ég vissi samt ekki að þau rétt skríða yfir lágmarkslaun! Ef ég hefði tekið vinnuna þá hefði ég verið að samþykkja þessa fáránlegu stefnu sem löngu er orðið tímabært að breyta og bæta!

Svo nú er ég bara atvinnulaus húsmóðir að skrúbba gólf og hengja út þvott í góða veðrinu hérna...jú og náttúrulega að blogga en ég hugsa að ég taki mig á í því og reyni að vera í takt við nútímann og blogga kannski aðeins oftar en ég hef gert hingað til:)

Jónmundur er á fullu í sinni vinnu, undirbúa og svona, hann er núna á námskeiði með Guðna sem er einn af kokkunum en þau fluttu viku á undan okkur og svo koma Þráinn, Anna og prinsessan um helgina næstu.

Við stefnum á að fara suður á sunnudaginn, græja það sem við náðum ekki að græja áður en við fórum og sækja Róbert en hann ætlar að koma í vetrarfríinu sínu og vera hjá okkur í sveitinni, eins gott að undirbúa herbergið hans áður en kúturinn kemur:)

Við ætlum að reyna að fara í Toys r us, við erum alveg æst í að komast í þessa búð hahaha!!!

Kveðja að austan!
Oddný og Jónmundur:)

Hreinleikarnir 2007

2007-09-21T12:17:00.000Z

Það standa yfir Hreinleikarnir 2007 hjá Eimskip.

Nokkrar myndir frá því:)

Okkar lið er: Húsmæðurnar

Það er leikur að læra...

2007-07-12T11:42:00.000Z

...leikur sá er mér kær...
Ég gleymdi að taka það fram í síðustu færslum að ég komst inn í KHÍ, ég sótti um þrjár brautir og komst inn á þær allar, svo var hringt í mig frá HR og mér sagt að ég mundi fljúga þar inn líka en ég ákvað að taka Grunnskólakennarann sem hefur verið draumur minn í mörg ár.
Svo mín ætlar að verða kennari :)
Þetta er fjarnám og byrja ég núna í haust, ég er ekki alveg viss hvort þetta taki þrjú eða fjögur ár en það kemur nú bara í ljós.

Myndasíða komin

2007-07-09T18:30:00.000Z

http://www.flickr.com/photos/oddny

Ég á örugglega eftir að blogga eitthvað meira en kannski ekki einu sinni í viku.

2007-07-07T15:57:00.000Z

Ég er að sjá það að ég er ekki mikill bloggari, reyndar ætla ég að fara að opna ljósmyndasíðu á Flickr samfélaginu fljótlega og þá hugsa ég að ég loki þessari síðu.

Annars er það að frétta af okkur að við erum nýkomin úr tveggja vikna sumarfríi sem var alveg dásamlegt. Við byrjuðum á að halda upp á afmæli feðganna og svo aðra veislu fyrir krakkana úr leikskólanum hans Róberts sem var ótrúlega skemmtilegt en orkan var ekki mikil eftir á.
Svo skelltum við okkur í ferðalag um landið, við keyrðum til Eskifjarðar og tókum góðan tíma í það og stoppuðum mikið á leiðinni, bæði til að leyfa Róberti að hlaupa aðeins og sýna honum okkar fallega land.

Við gistum hjá Oddnýju og Sjonna á Eskifirði í 3 nætur. Við fórum í heimsókn á Egilsstaði, fórum í Atlavík þar sem við fórum með guttann í ótrúlega skemmtilega skógarferð.
Svo var brunað af stað og ákváðum við að fara norðuleiðina til baka bara svona til að leyfa Róberti að fara fyrstu hringferðina sína sem var voðalega gaman.

Við fórum því næst í sumarbústað í Brekkuskógi og vorum það í viku sem var æðislegt. Einn daginn skruppum við á Stokkseyri í Álfa og Tröllasafnið sem var ótrúlega skemmtilegt, risa trölli var sofandi sem Róberti leist nú ekki allt of vel á og vildi hann eiginlega bara fara út, en við töluðum hann í gegnum þetta og svo kom tröllabarn sem knúsaði hann og leiddi um allt safnið sem var mjög gaman af.

Prinsessan komin:)

2007-06-10T23:33:00.000Z

Ásta systir fékk litla gullfallega prinsessu á föstudagskvöld eftir mikið puð.
Hún var 17 merkur og 54 cm, stór og stæðileg stúlka:)

Til hamingju Ásta mín:)

Lítil frænka og frænka/frændi á leiðinni:)

2007-06-03T20:07:00.001Z

Ég var að eignast litla frænku í gær, stóra og stæðilega 17,5 merkur og 53 cm
Algjört rassgat í bala:)
Til hamingju Oddný og Sjonni...vonandi sjáum við erfingjann sem allra fyrst:)
Svo er Ásta systir næst en hún var sett í gær svo maður bara bíður og bíður spenntur eftir að fá lítið kríli þar til að hnoðast í hehehe:) ohhhhh ég hlakka svo til!!!
Róbert var hjá okkur um helgina og málaði hann herbergið sitt með okkur, hann fékk að mála það blátt þrátt fyrir að ég hafi mikið reynt að fá hann til að hafa það grænt...en nei nei það kom bara ekkert annað til greina en BLÁTT hehehe:) Herbergið hans er alveg að verða klárt!
Svo styttist í afmæli þeirra feðga, Róbert 15. júní og Jónmundur 16. júní...þá verður partý hjá okkur:)
Sumarfrí eftir 2 vikur í 2 vikur og mikið verður það nú notalegt ahhhhh...ætlum í sumarbústað og hafa það huggulegt:)
Thats all!

Ferðasagan ofl.

2007-05-27T23:01:00.001Z

Flugið gekk ágætlega svona þegar við vorum komin upp í háloftin en þetta var jómfrúarferð til Gautaborgar s.s. fyrsta flugið og fengum við því kampavín og konfekt:)
Við vorum komin á hótelið um 4 leytið, fórum í sturtu og hrein föt og fórum svo í siglingu á Hebbe lille um Skerjafjörðinn, þessi sigling var í 3 tíma og var hún mjög skemmtileg. Við sáum eitt af skipum Eimskipa, við sáum nakta karlmenn sem voru að synda í sjónum en þeir voru ekki sérlega hrifnir þegar við tókum myndir af þeim hehehe:) Eftir siglinguna var rölt heim á hótel og skellt sér á barinn.
Á föstudeginum röltum við í bæinn með Bigga og Hlín og Alfreð og Evu, kíktum í búðir og svona þetta klassíska og svo um kvöldið fórum við nokkur út að borða á Basement sem er Micheline stjörnu staður en þrjár Michelin stjörnur er toppurinn á kokkamáli! Maturinn var líka mjög góður. Kíktum svo á barinn á hótelinu þar sem Stefan Gunnarsson spilaði af sinni snilligáfu líkt og öll hin kvöldin en hann er víst voða frægur píanóleikari og söngvari í Svíþjóð enda ótrúlega góður. Því næst var förinni haldið á Park Lane sem er víst eitthvað svaðalegt diskótek í Gautaborg en það var mjög gaman þrátt fyrir að okkur liði soldið eins og ellismellum þarna;) Jónmundur kynntist svía sem var ægilega hrifin af mínum og var farin að slefa yfir öxlina á Jónmundi þegar við ákváðum að stinga af:)
Á laugardag kíktum við í tívolíið Lysjeberg en það er allsvakalegt tívolí...við röltum þar um og fórum svo í bæinn að versla aðeins, enda vantaði mig föt fyrir kvöldið, æðislegt veður, 20°C og heiðskýrt, Jónmundur brann meira að segja í framan:)
Árshátíðin var haldin í Sjömagasinet sem er Michelin stjörnu staður og besti veitingastaður Gautaborgar sem staðsettur er við höfnina, geðveikur maturinn þar. Það var mikið sungið og eiginlega heldur mikið að margra mati en mjög gaman samt sem áður. Eftir árshátíðina fórum við inn á herbergi til Alfreðs og Evu og fengum okkur nokkur glös áður en haldið var á barinn en flestir voru vel í því og það var drukkið og dansað fram á nótt:)
Ferðin í heild sinni var ótrúlega skemmtileg og nauðsynlegt að skella sér í svona helgarferðir af og til, þó maður hafi nú lítið sem ekkert sofið í 4 daga þá kom maður alveg endurnærður heim í 3°C og stinningskalda með snjókomu!!! Hvað er það???

Jónmundur hjálpaði bróður sínum að helluleggja á föstudag og laugardag...ég hjálpaði smá í gær;)
Í dag skelltum við okkur í smá fjallgöngu upp á Keili, gönguferðin tók hátt í 3 tíma með smá pásum en þetta var ótrúlega gaman og fyndið hvað veðrið er alltaf aðeins betra þegar maður er komin út fyrir borgarmörkin, við fengum smá svona sumarfíling;)
Bóas kom svo með krakkana í mat í kvöld og skelltum við okkur svo í smá göngutúr og bíltúr sem endaði með ís á línuna!

Hafið þið pissað í ykkur af hlátri???
Ég prófaði það í kvöld en ég hef aldrei skilið það fyrirbæri fyrr en nú!!!

Morgundagurinn eftir í fríi:) Við ætlum að gera eitthvað ofsalega skemmtilegt þá líka! Mikið vildi ég að allar helgar væru svona langar, maður nennir miklu frekar að gera eitthvað þegar maður fær þriggja daga helgar! Vonandi verður bara sól og blíða!

Over and out!

Gautaborg

2007-05-14T21:19:00.000Z

Við skötuhjúin erum að fara til Svíþjóðar á fimmtudaginn og ætlum að vera í Gautaborg.
Þetta er árshátíðarferð hjá vinnunni hans Jónmundar og erum við orðin verulega spennt:)
Ég er reyndar að farast úr flughræðslu og kvíði mikið fyrir fluginu...fæ svona hnút í magann þegar ég hugsa til þess :( Jónmundur hefur samt lofað mér því að passa mig og hjálpa mér í gegnum þetta ferli.
En við ætlum nú að hafa rosa gaman úti.
Við ættum að vera komin á hótelið um 16:00, hendum okkur í sturtu og hrein föt, förum svo í siglingu þar sem við borðum kvöldmat.
Á föstudagsmorgun er skoðunarferð og svo alveg frjáls dagur en við erum 8 sem ætlum að fara út að borða saman um kvöldið í Tívolíinu Lisjeberg.
Laugardagurinn er frjáls nema um kvöldið en þá er árshátíðin haldin á veitingastað í borginni.
Ég held að þetta verða feikna mikið fjör hjá okkur:)
Við fórum fyrir tveimur árum með fyrirtækinu til Barcelona og það var alveg ótrúlega vel heppnuð ferð og skemmtileg, þessi verður varla síðri:)

ALWAYS COCA COLA

2007-05-11T10:16:00.000Z

VATN 75% Bandaríkjamanna eru með krónískan ofþurrk. (Á sennilega við helminginn af íbúum jarðar)
Hjá 37% Bandaríkjamanna er þorstaskynjunin orðin svo slök að hún er oft túlkuð sem hungur.Jafnvel vægur ofþurrkur getur hægt á brennslukerfi líkamans um 3%.
Eitt glas af vatni nægði til að slá alveg á hungurverki seint að kvöldi hjá næstum 100% þátttakenda í könnum hjá Háskóla í Washington.
Ónóg neysla af vatni, er í FYRSTA SÆTI yfir það sem veldur þreytu yfir daginn.
Niðurstöður úr einni könnun gefa til kynna að drekki fólk 8-10 glös af vatni yfir daginn gæti það létt á bakverkjum og liðaverkjum hjá allt að 80% þeirra sem þjást af þessum verkjum.
Ef vatnið í líkamanum minnkar um aðeins 2% getur það valdið lélegu skammtímaminni, erfiðleikum með einfalda stærðfræði og skorti á einbeitingu við lestur á tölvuskjá eða annað prentmál.
Að drekka 5 glös af vatni á dag dregur um 45% úr áhættu á krabbameini í þörmum auk þess sem það getur dregið allt að 79% úr áhættu á brjóstkrabba og lækkar áhættu karlmanna á blöðruhálskrabbameini um 50%.

Viltu ekki fá þér vatnssopa???

KÓK Í mörgum bandarískum fylkjum er vegalögreglan með 10 lítra af kóki bílunum hjá sér til að þrífa blóð af vegum eftir umferðarslys.
Þú getur sett T-Bone steik í skál af kóki og hún verður horfin eftir 2 daga.
Til að hreinsa klósettið: Helltu einni dós af kók ofan í klósetið, bíddu í eina klukkustund og sturtaðu svo niður. Sýran í kókinu leysir upp bletti.
Til að fjarlægja ryðbletti af krómstuðurum: Dýfðu krumpuðum álpappír í kók og nuddaðu stuðarann.
Til að hreinsa rafgeyminn í bílnum: Helltu einni dós af kók yfir rafgeymatengslin.
Til að losa ryðgaðan bolta (skrúfu). Rennbleyttu tusku með kóki og haltu henni að boltanum í nokkrar mínútur.
Til að fjarlægja fitubletti úr fatnaði: Helltu einni dós af kók í þvottavélina bættu við þvottaefni og þvoðu eins og venjulega. Kókið leysir upp fitublettina.
Framrúðan á bílnum þínum hreinsast líka vel með kóki.
Virka efnið í kók er phosphoric acid. Ph í kók er 2.8. Það getur leyst upp nögl á ca fjórum dögum.
Til að flytja Coca-Cola sýrópið (fullan styrk) þurfa vöruflutningabifreiðar að hafa á sér viðvörunarskilti sem einungis eru notuð á bíla sem annast flutning á MJÖG ÆTANDI EFNUM.
Dreifingaraðilar Coca-Cola hafa notað gosdrykkinn í um það bil 20 ár til að hreinsa vélarnar í trukkunum hjá sér.

Langar þig enn í hressandi dós af Cola drykk?

Laddi 6tugur

2007-05-05T22:57:00.000Z

Við fórum á Ladda 6tug með vinnufélögum mínum en það er alveg stórkostleg sýning, ég meina maðurinn er bara hrein og tær snilld. Við hlógum okkur máttlaus, okkur var illt í kinnunum og maganum af hlátri :) Hann er algjört æði með öll sín gervi, hvert öðru fyndnara!
Sigga Lund, Eiríkur Fjalar, Þórður húsvörður, Magnús gamli, Presturinn, Saxi læknir en þegar hann kom á sviðið þá hélt ég að ég mundi pissa í brækurnar...ég ætlaði ekki að jafna mig, ég grenjaði og öskraði úr hlátri en hann tók einn gestinn fyrir og það var bara kostulegt atriði!
Þetta var peninganna virði algjörlega...ég væri meira að segja alveg til í að fara aftur:)

En það voru stórir hlutir að gerast hjá okkur í dag...
Lillinn hann Róbert fullorðnaðist heilan haug...jú jú drengurinn lærði nefnilega að hjóla eftir mikil hlaup hjá okkur Jónmundi fram og til baka á bílastæðinu, grípandi drenginn og reyna að kenna honum þessa miklu tækni...við vorum alveg móð og másandi, eldrauð í framan...eiginlega blá ef satt skal segja...þetta var s.s. í gærkvöldi! Svo fórum við aftur í morgun og viti menn!!! Þá var þetta bara komið :) Og við náttúrulega búin að fara þrisvar út að hjóla í dag...eða Róbert sko, við hlaupandi sitt hvorum megin við svona bara til öryggis því hann er nú ekki búinn að ná 100% tökum á þessu en svona c.a. 90%
Svo er fyrsta barnatönninn orðin laus:)
Strákurinn er mjög montinn með þetta allt saman, ég held honum finnist hann vera orðinn svolítið fullorðinn...
Hann er líka ástfanginn!!!
Af mér :)
Ég get nú ekki annað en verið montin með það:)

Fleiri myndir...

2007-04-30T19:24:00.000Z

Nokkrar myndir

2007-04-29T10:58:00.000Z

Við Elín fórum að leika með myndavélina í gærkvöldi sem var ótrúlega gaman, hér eru 4 af rúmlega 500 sem við tókum:)

Prófadjöfullinn...

2007-04-17T11:48:00.000Z

Jæja þá er ég búin að fá linsuna mína og get ég varla beðið eftir að prófin séu búin svo ég geti farið að leika með myndavélina mína!!!

Annars er það að frétta að ég er búin að vera að læra til miðnættis í rúma viku, alltaf eftir vinnu og svo um helgina frá 9 á morgnana...Stærðfræðipróf í dag og íslenska á morgun en þá er ég líka búin í prófum!!!

Svo ætlum við bekkjarfélagarnir að skella í okkur einum eða tveimur köldum á morgun eftir prófið...ég hugsa að ég þurfi ekki nema 1/2 og þá er ég góð hehehe:)

Frí á fimmtudaginn og ég ætla að taka mér frí líka á föstudaginn og fá langa helgi.

Róbert litli kemur á föstudaginn og er ég þar með komin með fínt módel í myndatöku:)

Ég er verulega stressuð fyrir stærðfræðiprófið í dag!!!

Allt of mikið efni og lítill tími til að æfa sig!!!

Allir að krossa fingur fyrir mig:)

NIKON D80

2007-04-10T14:46:00.000Z

Mikið var nú páskafríið notalegt. Við fórum í eina fermingu á fimmtudaginn og svo var ég að læra hálfan daginn á föstudag og til 14:30 á mánudag en annars var mikið um letilíf í kotinu okkar.

Jónmundur kom mér á óvart á fimmtudaginn og færði mér afmælisgjöf sem er drauma drauma myndavélin mín:) Þessi elska er alveg ótrúlegur, ég átti ekki til orð annað en "ERTU BRJÁLAÐUR" hehehe... En hann er yndislegur alveg hreint:) Ég trúi því stundum ekki hvað ég er heppin:)

Mig hefur dreymt um eldri típuna mjöööööög lengi en hann gaf mér nýju típuna sem heitir NIKON D80 alveg geðveik vél:)

Linsan er að vísu ennþá í Ameríkunni en kemur á mánudaginn og ég hlakka svo til að fara að smella nokkrum myndum;) Hún er líka stærri en þessi á myndinni...klikkuð linsa!!!

Svo á ég að vísu þrjár linsur sem eru manual og held að þær eigi að geta gengið við hana en kann bara ekki að stilla vélina á manual...hmmmm :) Þarf eitthvað að skoða það betur...

Svona lítur gripurinn út...

Annars er það að frétta að prófin eru framundan og lærdómur alla daga núna þar til á miðvikudagskvöld í næstu viku en þá er síðasta prófið og þá ætla ég sko að taka fullllllt af myndum á nýju vélina mína:)

Veðurkona ársins...

2007-03-29T17:32:00.000Z

Ég hef oft horft á veðurfréttirnar á Stöð 2 og hlegið að óförum veðurfréttakvennana þar síðastliðið ár eða svo...ég velti því fyrir mér hvort þeir hreinlega sækist eftir konum sem eru ofurstressaðar og taugaveiklaðar? Hvað veldur þessu eiginlega...
Hér er nú samt það sem slær öllu við og ég er gjörsamlega búin að veltast um af hlátri og horfa á þetta aftur og aftur!!! :)
Byrjar c.a. í miðjunni eða eftir 6.40 mín, þið verðið að horfa á alla veðurfréttina og hafa hljóðið hátt stillt.
ENJOY

Svo er smá klikkuð kjella hérna...bara svona í ganni.

Læra læra

2007-03-24T23:10:00.000Z

Nú á ég að vera að læra, ég er nú búin að vera mjög dugleg í dag.
Ég leyfði mér þó að fara á tískusýningu hjá krökkum úr listaháskólanum, þar var Tinna frænka með fatalínu sem var mjög flott og alveg föt sem ég gæti hugsað mér að ganga í en margir voru með fatnað sem var bara alveg út úr kú!
Við Þórey skemmtum okkur vel við það að skoða allt fólkið sem var vægast sagt mjööööög speees!!! Mikið af fólki úr þessum listamannaheimi, alveg í fáránlegum fötum að mínu mati.
En mikið er nú samt gott að við erum ekki öll eins.
Eimskip stóð fyrir óvissuferð til útlanda núna á föstudaginn og mér til mikillar ánægju eða þannig að þá eru þau í Barcelona...ohhhh af hverju skráði ég mig ekki??? Ég er svo biluð að ég þori ekkert að fara í svona óvissuferðir...ég vil bara vita hvert ég er að fara! En núna þegar ég veit hvar þau eru þá langar mig svo að vera í Barcelona líka...alveg geggjuð borg, við fórum þangað með vinnunni hans Jónmundar fyrir tveimur árum og ég kolféll!!!
Svo gistir Eimskips liðið á Hilton í þokkabót!
Æjjj jæja ég vona bara að það sé ógeðslega gaman hjá þeim og eins gott að þau komi með helling af nammi í vinnuna á mánudaginn:)
Ætla að halda áfram að læra...

Við að borða í Ólympíuþorpinu í Barcelona, apríl 2005

Skriðin á fertugsaldurinn...hálfsextug

2007-03-18T22:38:00.000Z

HAPPY BIRTHDAY TO ME

HAPPY BIRTHDAY TO ME
I LOOK LIKE A MONKEY

AND I ACT LIKE ONE TOO
:):):)

Jamm þá er komið að því, hálfsextug eins og tengdó orðaði það pent hehehe

Ég er nú voðalega róleg yfir þessu og ekkert að velta aldrinum fyrir mér

Mér finnst þetta bara allt í lagi

Enda lífið rétt að byrja :)

Ég hélt upp á afmælið á föstudaginn, hélt heljarinnar partý, var með hattaþema sem var alveg ótrúlega skemmtilegt og hristi fólkið saman...

Mættu hátt í 40 manns sem færðu mér ótrúlega fallegar og veglegar gjafir

Ég á alltaf svo erfitt með að taka á móti gjöfum, fer í keng og veit ekkert hvernig ég á að vera

Takk innilega fyrir mig:)

Ég fékk:

Eva Solo karöflu, ótrúlega smart

Æðislegan kertastjaka f/6 kerti, svona rör sem hægt er að setja skreytingu í

L´occitane body lotion, sturtusápu og body skrúbb, geðveikar vörur, prófaði í morgun

Ilmkerti, 4 í pakka

Læsebriller, skærbleikar með styrkleika +3.5 hehehe

Flottan stóran glervasa

Wedding planner bók hehehe

Töffaralegar grifflur

Geggjaðan lampa

Webcameru og headset svo ég geti spjallað við pabba í úglöndum:)

AEG Saumvél sem mig hefur dreymt um síðan ég fermdist

Rosalega fallega mynd og ljóð

Silfurgaffal

20.000 kr gjafabréf hjá Icelandair

10.000 kr gjafabréf í Kringlunni

7.500 kr gjafabréf í Smáralind

10.000 kr gjafabréf í Smáralind

8.000 kr gjafabréf í Smáralind

Rauðvínsflösku, Hvítvínsflösku, Freyðivínsflösku...

Kampavínsflösku

Koníaksflösku...hún var samt eiginlega handa Jónmundi :)

Rósir

Svo var að bætast við rétt í þessu gjafabréf í Mecca Spa fyrir 13.000 kr frá samstarfsfólkinu

Alveg á ég eftir að taka mér dag og njóta þess í botn:)

Þröstur og Danni voru með mörg og skemmtileg skemmtiatriði, héldu alveg stuðinu gangandi!

Ótrúlega skemmilegir strákar:)

Langflestir komu með hatta og þegar leið á seinnipart kvölds þá kusu allir hver væri með flottasta hattinn.

Það voru kúrekahattar, tveir mexíkóhattar, einn með belju, tveir ítalskir mafíuósar, rauð blikkandi horn, alpahúfa, ekta slökkvistjórahúfa frá Þýskalandi, pæju og gæja hattar, rebba og kanínu eyru, tveir hjálmar, einn setti meira að segja servíettu á hausinn þar sem hann "gleymdi" hattinum heima;) það vantaði ekki hugmyndaflugið í mannskapinn.

Danni vann en hann var með beljuna á hausnum, hann var mjöööög montinn að hafa unnið Þröst sem var lítill mexíkani með som som brero.

Í verðlaun fékk Danni páskaegg, alkaseltzer, 3 afréttara, gos, nammi og poka til að setja klaka í sem maður leggur svo við höfuðið þegar maður er með hausverk og eitthvað fleira.

En partýið var alveg geggjað, ég hef ekki skemmt mér svona vel í mörg ár... :)

Ég er alveg í skýjunum með þetta :)

Á sunnudaginn vorum við svo með kaffi fyrir fjölskylduna sem var gaman líka

Við vorum með gesti frá kl hálf fjögur til tíu bara að spjalla og hafa gaman

Takk ALLIR fyrir ógleymanlegt og frábært afmæli

Þrítugsafmælinu mínu á ég eftir að muna til síðasta dags

GEÐVEIKT :)

BIG RED

2007-03-13T11:34:00.000Z

Eins og ég var ekki að fíla eurovision lagið í byrjun að þá venst það vel og er ég með það á heilanum núna, fíla það í ræmur og finnst það betra á ensku heldur en íslensku.

Myndbandið er töff, enda flottur karl á ferð.

Ég ætla nú ekkert að vera neitt að spá neinu sæti, vona bara að við komumst í aðalkeppnina.

Hér er kallinn

Eiki Rauði

Flökkusaga eða ekki...

2007-03-08T10:07:00.000Z

Kona kaupir blóm í einhverri blómaverslun á höfuðborgarsvæðinu og alltaf þegar hún vökvar blómið þá heyrist "tsssss" hún skilur ekkert í þessu og eftir einhvern tíma hringir hún í Blómaverslunina hálf vandræðaleg að segja frá þessu, þá segir maðurinn sem svarar símanum: hvar áttu heima? Ertu ein? hún svarar honum að hún sé heima ásamt börnunum sínum, hann segir henni að fara út með alla og að þeir séu á leiðinni frá blómabúðinni.

Þegar þeir koma þá taka þeir blómið og tilkynna henni að það hafi verið Tarantúla í blóminu!!!

Svo er það bara spurningin, er þetta flökkusaga eða ekki?

Maður spyr sig...

Lífið er saltfiskur

2007-02-28T09:52:00.000Z

Það var það að minnsta kosti 1992 þegar ég var 15. ára.

Þá vann ég í saltfiski norður á Ströndum, nánar tiltekið í Norðurfirði ásamt fríðu föruneyti.

Þetta var bara skemmtilegt og endalaust stuð.

Hér erum við hópurinn að fá útborgað í fyrsta skipti...höldum þarna á seðlunum okkar ótrúlega stolt fyrir framan Kaupfélagið, tilbúin að splæsa í litla kók í gleri með lakkrísröri.

Ég man þetta eins og þetta hafi gerst í gær hahaha :)

Hvað er með...

2007-02-27T13:24:00.000Z

...allar þessar óléttur???

3 hérna í vinnunni eru óléttar og ein sem er að koma aftur eftir fæðingarorlof var að tilkynna okkur að hún sé líka ólétt, þannig að það gera 4. Það er c.a. 1/3 af deildinni.

Svo er náttla Ásta systir og Oddný frænka óléttar líka.

Maður er bara orðlaus yfir þessu!!!

En til hamingju stelpur, þið eruð dúndur!!!

Lasarusinn mættur aftur

2007-02-26T12:30:00.000Z

Jæja...

Ég er nú kannski ekki heimsins besti bloggari en ég hef alveg ástæður fyrir því...

Jamm við náttla fluttum og netið er enn ekki komið hjá okkur...eitthvað vesen í gangi með það en ætti nú að fara að koma.

Svo er ég líka búin að vera lasin síðan 14.febrúar takk fyrir pent...hresstist reyndar örlítið á milli og fór einn dag í vinnuna en sló svona líka niður og lá í rétt tæpa viku aftur með 40 stiga hita í þrjá heila daga áður en hitinn fór að lækka...það var pínu scary og helvíti þreytandi með verkamenn í húsinu að bora og berja og saga og allan pakkann...ég var hreint og beint að verða vitlaus á þessu ástandi og var ávallt mjög glöð þegar kallarnir skelltu sér í mat hehehe:)

Annars er bara allt ljómandi að frétta af okkur.

Við gerðum heiðarlega tilraun til að fara í bíó í gærkvöldi, ætluðum að fara að sjá The last king of Scotland en viti menn...það var biðröð í Smárabíói út úr dyrum svo við kíktum bara á Guðmund og Önnu í staðinn.

Ég fer svo að reyna að bæta mig sem bloggari hehehe:)

FLUTT

2007-02-06T12:53:00.000Z

Jebbs haldiði að við höfum ekki bara rumpað flutningunum af í þynkunni á sunnudaginn...

Við fengum líka ómetanlega hjálp frá góðu fólki, sterkum mönnum og úberkraftmikilli vinkonu:)

Svo fengum við gefins sófa, lánað eldhúsborð og sjónvarp fyrir litla manninn.

Takk allir fyrir hjálpina, við hefðum aldrei getað þetta án ykkar:)

Sváfum fyrstu nóttina á sunnudaginn, ég ætlaði aldrei að sofna en svo þegar ég loksins sofnaði að þá vaknaði ég upp við martröð...hélt að það boðaði einhverja ólukku en mig dreymdi að íbúðin væri morandi í kóngulóm og alveg huge stórum en þegar ég pakkaði upp Stóru Draumaráðningabókinni í gærkvöldi og ákvað að kanna málið, þá kom í ljós að kóngulær í draumi eru fyrir peningum og ef maður drepur eina þá er það fyrir hamingjusömu lífi, í draumnum lét ég Jónmund drepa eina þannig að hann hlýtur að vera hamingjusamur hehehe...

...ég er það nú samt líka...

Við erum enn að taka upp úr kössum, Ásta systir kom og hjálpaði okkur í gær alveg helling, það munar svo um alla hjálp sem maður fær. Takk Ásta:)

Við stefnum á að vera búin að klára þetta helst fyrir helgi, ég verð í fríi á fimmtudaginn og ætti að geta klárað slatta þá.

Það er búið að vera mikill gestagangur hjá okkur og það er sko gaman þannig að anyone, ef þú leið hjá og þekkir okkur náttla þá er bara að kíkja í kaffi:)

Jæja gott fólk...

2007-02-03T00:33:00.000Z

Dagurinn hefur verið ansi viðburðaríkur

Við skrifuðum undir söluna og kaupin um hádegi í dag

Fórum svo eftir vinnu og tókum við lyklunum

Erum alveg í sky thousand og brosum allllllllan hringinnnnnn

:):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):):)

Svo fórum við og þrifum aðeins

Tókum með okkur SALT og BRAUÐ

Adda og Hákon kíktu á okkur með SALT líka

Það er þá orðið ÖRUGGT að hjónabandið endist hehehe

Eigum að minnsta kosti SALT í grautinn

Svo pökkuðum við aðeins meira

Ætlum að vakna eldsnemma í fyrramálið og byrja á flutningnum

Árshátíð hjá Eimskip annað kvöld

Ég og Helga verðum ægilegar moulin rouge pæjur

Helga og gæjinn koma til okkar fyrst svo við stelpurnar getum græjað okkur

Partý og rútuferð þaðan

Djammað og djúsað fram í rauðan dauðann

Vöknum þunn á sunnudaginn

hristum af okkur þynkuna

Höldum áfram að flytja og gistum fyrstu nóttina

Jaaaaaa það er allavega planið í dag múhahahaha:)

Góða helgi, veit hún verður góð hjá okkur Jónmundi mínum!!!

Kirkjuvallafólkið kveður að sinni

Fyrir blondínur og fleiri:)

2007-01-31T14:22:00.000Z

Fyrsta spurning:
Þú tekur þátt í keppni. Þú ferð framúr þátttakandanum sem er annar í röðinni.Hvar í röðinni ert þú þá?

Svar: Ef þú svaraðir að þú sért í fyrsta sæti, hefurðu algjörlega rangt fyrirþér!Ef þú ferð fram úr þeim í öðru sæti, þá tekur þú sæti hans/hennar, þú ert íöðru sæti!
Reyndu nú að klúðra ekki næstu spurningu.
Til að svara annarri spurningu, reyndu að taka ekki eins mikinn tíma og í þeirri fyrstu.

Önnur spurning: Ef þú ferð fram úr þeim er síðastur í röðinni, ert þú í....?

Svar: Ef þú svaraðir að þú sért næst síðust/síðastur, hefurðu rangt fyrir þéraftur. Hvernig er hægt að fara fram úr öftustu manneskju?Þú ert ekki góð(ur) í þessu! Rétt?

Þriðja spurning: Mjög vandasamt dæmi! Athugaðu: Þú mátt aðeins leysa það í huganum.Ekki nota pappír eða reiknivél. Reyndu.Taktu 1000 bættu við 40. Bættu svo við 1000. Síðan bætirðu við 30 og svo 1000.Bættu við 20 og svo 1000 og að síðustu bætirðu við 10. Hver er útkoman?

Svar: Fékkstu út 5000?Rétt svar er reyndar 4100.Trúirðu því ekki? Prófaðu dæmið með reiknivélinni þinni!Þetta er ekki þinn dagur eða hvað? Kannski þú hafir síðustu spurninguna rétta?

Fjórða spurning: Pabbi Maríu á 5 dætur: 1. Nana, 2. Nene, 3. Nini, 4. Nono.Hvað heitir sú fimmta?

Svar: Nunu?NEI! Auðvitað ekki. Hún heitir María. Lestu spurninguna aftur.

Jæja, bónus spurningin: Það er mállaus manneskja sem ætlar að kaupa tannbursta. Með því að sýnatannburstun með látbragði tekst henni að koma afgreiðslufólkinu í skilning umhvað hún vill og kaupir tannburstann.En ef það er blindur maður sem vill kaupa sólgleraugu, hvernig ætti hann að tjáósk sýna?

Svar: Hann þarf bara að opna munninn og óska eftir því sem hann vill, svoeinfalt...

Moulin rouge

2007-01-29T12:45:00.000Z

Mig vantar svona hatt!!!
Á einhver svona eða vitið þið hvar ég get fengið svona? Mig vantar helst tvö stykki en öll aðstoð er vel þegin...það er árshátíð hjá okkur í Eimskip og þemað er Moulin Rouge...
Endilega látið mig vita ef þið getið aðstoðað mig:)

Íbúðarkaup

2007-01-15T11:44:00.000Z

Einhverjir eru að kvarta undan bloggleti hjá mér undanfarið en það er bara svo mikið að gerast hjá okkur að það er ekkert venjulegt...
Eins og fram kom í síðasta bloggi að þá trúlofum við okkur á aðfangadag, seldum á gamlársdag og erum núna að gera tilboð í geggjaða íbúð en hér er slóðin fyrir þá sem vilja kíkja.
Þessi íbúð er á fyrstu hæð og okkur finnst hún allavega algjör draumur í dós og erum bara með hjartað í buxunum að bíða eftir svari og græja og gera.
Annars vakti snjórinn um helgina mikla lukku í okkar koti, fórum á sleða, duttum á hausinn og vorum alveg úrvinda eftir þriggja tíma útiveru...fórum svo í kaffi til Elínar og Danna, takk æðislega fyrir vöfflurnar kjella :)
Allt bara komið í fastar skorður fyrir utan að vera á milli íbúða, skólinn byrjaður aftur eftir jólafrí og er ég bara nokkuð spennt yfir önninni.
Myndirnar sem áttu að koma með síðasta bloggi...jaaaa mér gekk eitthvað illa að setja þær inn en kem til með að græja það um leið og tækifæri gefst...
Þar til næst,
Veriði sæl:)

BÓNORÐ Í JÓLAGJÖF:)

2007-01-02T21:02:00.000Z

Já hann Jónmundur minn fór á skeljarnar á aðfangadag og ég sagði JÁ að sjálfsögðu enda GULL að manni og gæti ég ekki hafa fundið betri mann:)

Jónmundur er soddan smekkmaður og valdi svo gullfallegan hring handa mér, ég hefði ekki getað valið hann betri sjálf.

Pabbi, Bjarndís og Veigar voru hjá okkur og það var alveg meiriháttar að fá að hafa þau, við borðuðum hefðbundinn hamborgarhrygg, opnuðum pakka og spiluðum, Aron kom svo í kaffi og meððí:)

Pabbi fór svo út aftur milli jóla og nýárs en það var svo gott að hafa hann.

Þetta voru þau allra bestu jól sem ég hef átt á allri minni ævi:)

Gamlárskvöldi eyddum við svo hjá Kolla bróður Jónmundar og fjölskyldu þeirra, við borðuðum góðan mat og sprengdum mikið, æðislega gaman hjá okkur:)

Í hádeginu á Gamlársdag seldum við líka íbúðina, þetta gerðist mjög hratt og erum við ekki alveg búin að átta okkur á þessu ennþá en erum farin á fullt að leita að nýrri eign:)

Nýjársfagnaður hjá Þresti og Auði í gær sem var alveg ótrúlega gaman, strákarnir elduðu geggjaðan mat handa okkur og svo var spilað fram á nótt, ég kynntist nýrri hlið á mínum í gær en það kom í ljós að hann er keppnismaður mikill, ætlaði hann aldeilis að rústa okkur stelpunum en við unnum náttla hehehe:)

Myndirnar tala svo bara sínu máli:)

Gleðilegt nýtt ár alle sammen:)

2006-12-23T20:50:00.000Z

Jólin eru að ganga í garð og ég er alveg að verða búin að öllu...
nema þrífa og setja upp jólatréð...
og finna skrautið á tréð...
hehehe
Þið sem senduð mér jólakort en fenguð ekki frá mér...fyrirgefiði en þið eruð komin á listann fyrir næsta ár:)

FELIZ NAVIDAD
HAPPY X-MAS
GLEÐILEG JÓL

Oddný, Jónmundur og Róbert

Jólin eru að koma:)

2006-12-18T22:42:00.000Z

Búin að fá niðurstöður úr öllum prófum og má bara segja að ég hafi staðið mig með prýði.

Ég fékk 9,5 í ensku eins og kom fram í síðustu færslu og var í efsta sæti þar.

8,5 í íslensku og var önnur hæst þar.

8,0 í stærðfræði og var í 7-8 sæti þar.

Ég er mjööööög sátt við þennan árangur hjá mér:)

Við bökuðum piparkökur á laugardaginn ásamt fríðu föruneyti, buðum Elínu, Danna og stelpunum, Þresti, Auði og krökkunum og það var einstaklega gaman hjá okkur:)

Um kvöldið fórum við svo í matarboð til Hrafnhildar, Mumma og co, fengum dásamlegan mat að sjálfsögðu og skemmtum okkur konunglega.

Á sunnudaginn fórum við svo í afmæli til Ása og fengum geggjaðar kökur að vanda.

Pabbi minn er svo loksins kominn heim, hann kom í dag og ætlar að stoppa yfir jólin á Íslandi, hann ætlar að vera hjá okkur á aðfangadag og það verður sko hátíð í bæ:) ég hef ekki eytt jólunum með pabba í alveg nokkur ár, eða síðan hann flutti til Danmerkur:)

Róbert er búinn að vera hjá okkur síðan á föstudaginn og það er búið að vera svo gaman. Hann er alveg kostulegur krakkinn, við fórum í Smáralindina í gær og allt í einu upp úr þurru segir hann...

ég óska þess að ég væri LÍM...við alveg HAAAA LÍM???

já þá gæti ég límt mig við jólakúlurnar og hangið á þeim...

Hann átti sem sagt við risajólakúlurnar sem hanga úr loftinu í Smáralindinni, alveg met:)

Kveð að sinni:)

Prófum lokið...Jólaundirbúningur hafinn

2006-12-11T20:26:00.000Z

Sælt veri fólkið.
Nú er prófum loksins lokið og ég er farin að anda aðeins rólegra.
Ég tók þrjú próf og er ég búin að fá niðurstöðu úr einu sem er enska...nú ætla ég örlítið að monta mig...en mér finnst ég alveg mega það því ég er búin að standa mig mjööööög vel...ég fékk sem sagt 9.5 í ensku sem var hæsta einkunn en það voru 2 sem fengu þessa einkunn. Ég er ótrúlega glöð með þetta og soldið montin líka:) Nú bíð ég bara spennt eftir að fá niðurstöðurnar úr stæ og ísl en ég geri ekki ráð fyrir að vera hæst í þeim greinum...sjáum bara hvað setur:)
Á sunnudaginn 3ja des fórum við litla fjölskyldan í Brynjudal á vegum Eimskips að ná okkur í jólatré. Við fórum með rútu sem þeim stutta þótti einkar spennandi, sátum að sjálfsögðu fremst til að missa ekki af neinu! Þegar í Brynjudal var komið löbbuðum við upp og niður fjallshlíðina í leit að fallegu jólatré handa okkur. Að lokum fundum við eitt sem feðgarnir hjálpuðust að við að saga. Þegar þeir voru búnir að saga tréð snérum við okkur við og sáum þá "fullkomna" tréð, en við vorum nú ekkert með neina græðgi og létum bara hitt duga. Róbert týndi nokkrar greinar sem við eigum eftir að nota í eitthvað föndur.
Við röltum niður eftir og fengum okkur heitt kakó og kökur, hlýjuðum okkur við varðeldinn og hittum nokkra jólasveina sem voru nú soldið skrítnir, einn lét meira að segja pakka sér inn eins og jólatré en Róbert vildi að sjálfsögðu gera slíkt hið sama sem við fengum hann nú af fyrir rest:)
Við héldum svo af stað upp í rútu, settumst í sömu sæti s.s. fremst. Rúturnar voru þrjár en einungis einn bílstjóri sem tilkynnti okkur það að hann hafði týnt hinum tveimur upp í fjalli, obbosí...en hann hafði þó tvo jólasveina sem hann hreinlega varð að kenna að keyra því einhvern vegin varð hann að koma okkur í bæinn...Róbert trúði ekki sínum eigin augum þegar jólasveinninn kom inn í rútu...kallaði hana sleða og fór að fikta í öllum tökkum. Honum fannst þetta mjög fyndið en adrenalínið fór samt af stað...þið vitið þegar maður er hræddur en samt spenntur og fer að hlæja svona taugaveiklunarhlátri...well krakkinn var akkúrat þannig:) Við héldum af stað og sveinki var ekki alveg besti sleðastjóri í heimi en við hikstuðum fyrsta hálftímann og ég var orðin bílveik! Róbert hjálpaði honum þó alla leið í bæinn, benti honum á að hann mætti alls alls alls ekki keyra með okkur út í sjó eða utan í vegriðið (hreinlega öskraði BEYGJA BEYGJA BEYGJA). Róbert hélt fast í handriðið fyrir framan sig, sagði sveinka hvar og hvenær hann átti að beygja osfv og svo heyrðist alltaf HJÚKKET eftir beygjurnar og það. Krakkinn var að drulla í bussurnar af hræðslu.
Þetta var samt mjög skemmtilegt og við Jónmundur hlógum okkur máttlaus yfir Róberti ásamt fleirum í rútunni en við fengum að heyra það þegar við komum út að hann hefði farið á kostum...að þetta hefði ekkert verið gaman nema af því að hann var svo fyndinn og trúði þessu svo innilega:) Litli kúturinn.
Við skötuhjú fórum í gær og keyptum flestar jólagjafirnar...einungis nokkrar eftir núna:)
Ég er búin að skreyta alveg næstum því...vantar bara eina seríu í glugga og þá er það komið!
Ég er byrjuð að baka, bakaði hnoðaða lagtertu í gær, ætla að setja kremið á núna þegar þessari löngu bloggfærslu er lokið:)
Svo erum við búin að bjóða nokkrum krökkum og foreldrum í piparkökubakstur á laugardaginn sem verður bara gaman:)
En jæja látum þetta gott heita...

Kv Oddný komin í jólahaminn múhahaha:)

Fyrsta prófið búið:o)

2006-11-27T20:16:00.000Z

Ójá...fyrsta prófið var í dag og mikið er ég nú fegin að það sé búið hehehe...þá eru bara 3 eftir, þau eru öll í næstu viku þannig að nú verður bara lítið annað gert en LÆRT!
Mér gekk vel í prófinu í dag. Við fengum svo mat eftir önnina hjá ensku kennaranum og kom ég mjög vel út úr því, ég er því mjög sátt við sjálfa mig:)
Sökum prófa er öllum jólaundirbúningi frestað til 6 des en þá er ég búin. Ég reyni helst bara ekkert að hugsa um jólin...jólagjafir...jólaskraut...jólakort...og ekki einu sinni aðventukrans fyrr en eftir próf...ég keyti mér samt jóladiskinn með Páli Rósinkranz um helgina og er búin að hlusta aðeins á hann...æj mar bara verður aðeins pínu hehe:)
Þar til seinna...
bæjó;)

It´s been a while

2006-11-23T11:38:00.000Z

Já ég hef ekkert verið neitt of dugleg að blogga undanfarið...en tímaleysið hefur verið að hrjá mig undanfarið.
Nú er ég að byrja að undirbúa mig fyrir prófin en það fyrsta er á mánudaginn n.k. og svo 3 í vikunni þar á eftir. Elín ætlar að vera svo elskuleg og hjálpa mér með stærðfræðina, ég bara skil ekki, mér gekk svo vel í henni alveg þangað til núna...mér finnst þetta eitthvað svo flókið sem ég er í núna...veit ekki einu sinni hvað þetta heitir...og svo er bókin á ensku í þokkabót.
Á föstudagskvöldið rifum við teppið af sameigninni, pússuðum handriðið, skrúbbuðum og máluðum, á laugardaginn voru veggirnir málaðir og í gær var klárað að setja nýja teppið, þvílíkur munur á sameigninni hjá okkur...maður hreinlega gerði sér ekki grein fyrir því hversu ógeðslegt gamla teppið var orðið.
Róbert var hjá okkur um helgina og sá var glaður þegar hann sá snjóinn á sunnudagsmorgun og svipurinn á honum þegar ég spurði hann hvort við ættum ekki að fara út að leika í snjónum, hann lék sér og við Jónmundur ýttum fullt af föstum bílum. Svo þurfti að draga vinnubílinn hans Jónmundar úr innkeyrslunni heima...svo mikill var snjórinn þar, og hann á sumardekkjum;)
Svo er það matarboð í kvöld, Oddný og Sjonni eru í bænum og vildum við endilega bjóða þeim í góðan mat:)
Hef ekkert að segja...bless bless, sjáumst hress hehehe

Kuldinn er að drepa mig!!!

2006-11-15T10:07:00.000Z

Nú styttist óðum í prófin sem ég er ekkert sérlega spennt fyrir. Mér hefur nú samt gengið mjög vel hingað til en stærðfræðin er búin að þyngjast allverulega og klórum við okkur bara í hausnum þegar kennarinn reynir að útskýra fyrir okkur eeeeen það hlýtur bara að koma, ég bara trúi ekki öðru!
Ásta systir átti afmæli í gær og bauð okkur í dýrindis mat, takk fyrir það Ásta mín:)
Þessi kuldi er að drepa mig og spáð allt að -16°C í dag ussss þetta er hrikalegt, ég er ekki alveg að meika það! Ætla sko að fara á morgun eftir vinnu að kaupa mér sokkabuxur thank you very much!
Pabbi og Veigar koma heim í byrjun desember og mikið verður nú gott að fá þá feðga heim og gerum við pottþétt eitthvað gaman saman:) Gerum kannski pabbapizzu og bjóðum Bjarndísi og kannski einhverjum fleirum með:)
Róbert litli kemur um helgina og ætlum við að gera eitthvað mjööög skemmtilegt og mjöööög notalegt og rólegt:) Að vísu förum við sennilega í það að rífa teppið af stigaganginum á laugardaginn og byrjum kannski að mála því stigangurinn á að vera orðin fínn fyrir jólin.
Jæja hef ósköp lítið að segja núna...
Chao

Veðrið er yndislegt múhahaha

2006-11-10T15:47:00.000Z

Yndislegt veðrið ekki satt ha!

Annars get ég ekkert kvartað, er í "sveigju" eftir hádegi sem er frí í vinnunni, fáum svona sveigjufrí annað slagið þar sem við tökum enga kaffitíma sem er bara gott.

Ég skundaði heim sem sagt kl 12:00 fékk mér grjónagraut og horfði á Nágranna, gvöð hvað þeir eru spennandi núna, allt að gerast! Hjónaskilnaður, sjúkdómar, framhjáhald og alls konar drama í gangi núna hehehe.

Eftir uppáhalds sápuóperuna mína ákvað ég að horfa á Kastljós síðan í gær, á ungu þriggja barna móðurina Ástu sem er að berjast við krabba og grét ég heil ósköpin yfir þessu og ekki bætti úr skák þegar ég fór að lesa heimasíðuna hennar sem er http://www.123.is/crazyfroggy ótrúleg hugrökk og jákvæð kona sem ætlar sér ekki að deyja!!!

Er svo búin að vera að læra á fullu og er alveg að fara að halda áfram.

Ohhh hvað það er notalegt hjá mér, sit uppí rúmi þar sem mér finnst persónulega best að læra með sængina ofan á mér og hlusta á brjálaða veðrið úti, haglélina berja á gluggana mmmmm bara kósý.

Mig vantar bara Jónmund til að fullkomna þetta en hann hef ég varla séð síðan á Sunnudaginn síðasta, þessi dugnaðarforkur er búinn að vera að vinna fram á kvöld alla daga vikunnar og ég kem ekki til með að hitta hann almennilega fyrr en á Sunnudaginn. Hann er hetjan mín!

ROCKSTAR!!!

2006-11-07T13:17:00.000Z

Ég byrjaði kl 11:45 að reyna að fá miða á stórtónleikana með Rockstar genginu en illa gekk, á endanum fór ég í mat og Aina bestust hélt áfram að reyna fyrir mig...þessi elska hlýtur að vera þrjósk því hún gafst ekki upp og fékk miða fyrir mig, Jónmund, Gullu og Bóas jeij:)
Jámm við ætlum sem sagt að skella okkur, ætluðum nú reyndar í stúku en það var bara ekki í boði svo við keyptum bara í stæði en það verður feiknarfjör hjá okkur. Geðbilað stuð:)

Ohhh ég er svo spennt hehehe!

Ætla ekki allir að fara?

Krakkaormurinn...

2006-11-05T21:58:00.000Z

Takk fyrir að svara spurningunum í síðasta bloggi, það er ótrúlega gaman að lesa svörin frá ykkur öllum :)

Við fórum í heimsókn til ömmu bleiku í gær, Róbert sat á klóinu og bað mig um að vera hjá sér, svo horfir hann voða mikið á magann á mér...

Róbert: Oddný, ertu kannski með barn í maganum eða eitthvað?
Ég: Haaa nei, af hverju ertu að spurja að því?
Róbert: Æji bara, þú ert bara svo feit!!!

Yndislegt!!!

Skemmtileg könnun...

2006-11-02T13:15:00.000Z

...sem allir ætla að taka þátt í er það ekki..allir að svara:)

1. Hvað kallarðu mig?
2. Hefurðu heyrt mig syngja, ef svo er hvernig hljómaði ég?
3. Hvað á ég eftir að vera að gera á týpísku laugardagskvöldi eftir tvö ár?
4. Þegar þú hugsar um mig, hvaða tvö lög dettur þér fyrst í hug?
5. Ef þú þekktir mig ekki, og mættir mér einhverstaðar, myndirðu halda að ég væri á lausu eða föstu?
6. Þegar þú hugsar til mín hvaða fimm hlutir detta þér fyrst í hug?
7. Hvernig sérðu mig fyrir þér í hljómsveit?
8. Hvernig stelpa er ég, og í hvaða týpu flokkarðu mig?
9. Hver er uppáhalds söngkonan/söngvarinn minn?
10. Hvaða lag minnir þig mikið á mig?
11. Hvað giskarðu á að ég verði gömul þegar ég trúlofa mig ?
12. Hversu vel telurðu þig þekkja mig?
13. Hvernig stráka fíla ég?
14. Hvað geri ég oftast þegar ég á frítíma?
15. Hvað er mest einkennandi við mig?
16. Hvaða búðir elska ég að fara í?

Helgin

2006-10-30T11:47:00.000Z

Þuríður og Kristín María
Costra - Góða ferð
, Rokkarar!!!

Eimuvision var bara gaman eða allt þar til úrslitin voru kynnt...við sem sagt unnum ekkert...og vorum hundfúlar hreint út sagt, við létum Jenna dómara heyra það óspart en honum fannst við bara fyndnar og hló að okkur! En það var samt mikið fjör og gaman:) Bað svo Jónmund um að koma að sækja mig um 11 leytið en þá var ég alveg búin enda búin að vera að síðan um 4. Hann fékk alveg að heyra hvað ég var fúl og ég ætlaði ekki að geta sofnað því ég var svo tapsár en það gekk svo fyrir rest hahaha:)
Laugardagurinn var bara fínn hjá okkur, ég fór og tók viðtal við ömmu (íslenskuverkefni) og það var mjög fróðlegt get ég sagt ykkur og bara gaman:) Svo fórum við til Guðmundar og Önnu og pössuðum fyrir þau gríslingana svo þau gætu skroppið í bíó.
Við sváfum svo til kl 12:30 í gær sem vara agalega gott, fórum svo að þrífa, ég að læra og svo komu Binna og Axel í heimsókn með ormana sína. Höfðum það svo bara kósý í gærkvöldi, leigðum Da Vinci Code sem er geðveik! En mikið hrikalega var erfitt að vakna í morgun, hefði alveg getað sofið mikið lengur.
Við erum búin að setja íbúðina á sölu, kom eitthvað par á föstudaginn og einhver ætlar að koma í kvöld líka jibbýkóla:)

Set inn myndir frá Eimuvision fljótlega:)

Eimuvision

2006-10-27T11:04:00.000Z

Þá er það Eimuvision í kvöld og hvað haldið þið...daman ætlar að syngja, ójá og ekki einu sinni heldur tvisvar takk fyrir!!! Við erum fjórar sem ætlum að syngja Spank me bunny one more time í kanínubúningum eins og við Helga vorum í í sveitaferðinni góðu. Svo erum við 4 sem ætlum að syngja Flytjanda lagið "Góða ferð" það verður bara gaman hjá okkur.

Verð nú að segja frá því að hann jónmundur minn er svo aktívur í ræktinni að hann er með þessar líka heavy harðsperrur, hendurnar á honum eru fastar, hann getur ekki rétt úr þeim þessi elska, svaf greyið ekkert í nótt af verkjum við hverja einustu hreyfingu! Nema hvað hann vaknaði alveg úfinn og ætlaði að bleyta á sér hárið en var í vandræðum með þetta sökum hreyfihömlunar svo ég ætlaði að vera þessi elska og hjálpa honum en rak mig í kranann og vatnið varð alveg ískalt og honum brá náttlega, svo ætlaði ég að hita vatnið aftur og þá varð það allt of heitt og hann brenndi sig...ó mæ god hvað ég var ekki mikil elska því hann varð að sjálfsögðu soldið pirr pirr en ég gat ekki haldið í mér og hló bara að honum...ég bara réði ekki við mig og hann var ekkert allt of hress með mig!!! Fyrirgefðu Jónmundur minn:( Ég bara ræð stundum ekki við mig en þetta var alveg óvart:(

Góða helgi alle sammen og munið að kvitta:)

Í kjólinn fyrir jólin...

2006-10-25T17:25:00.000Z

Jæja þá á að fara að taka sig á!!! Þetta gengur bara ekki lengur ástandið á manni, Jónmundur er byrjaður í ræktinni af fullum krafti...mér finnst ég reyndar ekki koma því á dagskránna að fara í ræktina en ætla út að labba og svona í staðinn...hef bara nóg með skólann. En nú er bara að sjá hvort maður komist í kjólinn fyrir jólin. Það er samt hrikalega erfitt að koma sér af stað en við skötuhjúin erum jú búin að vera á leiðinni að taka okkur á í maaaaarga mánuði! Ég ætla að byrja á Myoplex light á morgun, einhverjar í vinnunni verða nú ánægðar með mig:) Nú er bara að standa sig!!!

Sumarbústaðurinn

2006-10-23T11:17:00.000Z

Sko...ég var búin að blogga heljarinnar blogg í gærkvöldi um ferðasöguna en viti menn það bara týndist einhvern vegin og ég hreinlega nenni barasta ekki að gera það aftur svo ég set inn nokkra punkta...

...lögðum af stað kl 4...mikið fjör á leiðinni...plottuðum leik: ég tilfinningavera, Aina snertisjúk, Helen spila sama lagið aftur og aftur, Rakel heilsufrík...

Við Helga sáum um matinn...lokuðum okkur af í eldhúsinu...hlógum mikið...grilluðum lambafille með kokkahúfur að sjálfsögðu...geðveikt gooootttt...lokuðum okkur aftur inn í eldhúsi...gerðum geðveika súkkulaðiköku í eftirrétt...á meðan hún bakaðist tókum við margar myndir af okkur í kanínubúningum...hlógum mikið...hlógum meira...hlógum mest...lágum í kasti yfir eigin fyndni...drukkum mikið og svo meira...allir í kasti þegar við komum fram sem bunny´s...

Fórum í leiki...sannleikann og kontor...ég hef aldrei...drukkum mikið mikið mikið...

Fórum í pottinn...fallegt veður...sá 20 stjörnuhröp...óskaði mér...óskaði mér meira en alltaf sama óskin...vorum í pottinum í 4 tíma...hlógum mikið mikið mikið...okkur var ís ís ískalt...vorum lengi að mana okkur upp úr pottinum...fórum loks inn um 5:30...vöktum þá sem voru farnir að sofa...vorum í kasti...sofnuðum um 6...

Vöknuðum um 10:30...borða...út að labba...kíkja á dýrin í sveitinni...fórum á Selfoss á KFC...ég gat ekki borðar ójjjj...þynka...heim að sofa!!!

En þetta var geðveikt gaman hjá okkur...hef ekki skemmt mér svona vel í langan tíma:)

Takk stelpur þið eruð æði:)

Við Helga að fara að grilla

Helen-Rakel-Ellen og Kristín Thelma
Skál Rakel og Þuríður
Bunny´s
Barbapabakojan 1.Aina, 2.Rakel, 3.Oddný
Gelllllurnar að grillllla góða matinn
Fyndnastar!!!

Góða ferð...góða ferð...góða ferð...

2006-10-20T09:47:00.000Z

Þetta Góða ferð lag var að gera mig vitlausa fyrir c.a. 2 vikum síðan en allt í einu fór ég að syngja með og bara fíla þetta...svo sem ekki annað hægt því 3 í vinnunni voru að fíla þetta svo svaðalega að þær hækkuðu alltaf í útvarpinu þegar þetta lag kom...nema hvað þetta er orðið að svona Flytjanda lagi og við erum alveg að missa okkur yfir þessu og erum komnar með textann á hreint og alles...nota bene...er alveg sá allra fáránlegasti texti sem ég hef á ævi minni séð!!! En þetta verður pottþétt sungið í sumarbústaðarferðinni sem við leggjum í eftir vinnu í dag:)
Við Helga ætlum að versla matinn og höldum smá leynd yfir fordrykk og eftirrétt en það verður bara JAMMÝ!!! hí hí hí:) Helen og Lilja ætla að versla áfengi...kaupa bara nóg stelpur mínar :) Helgin verður bara skemmtileg hjá mér:)
Góða helgi...góða ferð:)

Helgin framundan:)

2006-10-18T21:27:00.000Z

Endalaust er brjálað að gera hjá manni...nóg af verkefnum í skólanum...á meðal annars að taka viðtal við einhvern um eitthvað...lumar ekki einhver á snilldarhugmynd handa mér???
Á föstudaginn ætlum við skvísurnar í vinnunni í sumarbústað í boði vinnunnar og það verður sko geðveikt stuð hjá okkur...ég er bara farin að hlakka til:)
Róbert er hjá okkur núna og kemur svo aftur á laugardaginn þar sem við getum ekki tekið hann á föstudaginn og erum við búin að plana ferð í Ikea...þar sem við keyrum fram hjá nýja Ikea daglega þá er drengurinn búinn að fylgjast með byggingarframkvæmdum á húsinu í mjööööög langan tíma og getur ekki beðið eftir að fá að sjá afraksturinn...hann er búinn að velta fyrir sér í marga mánuði hvers konar barnaland verði...var jafnvel búinn að ímynda sér heljarinnar boltaland en við erum búin að komast að því að þar er Smálandið hans Emils í Kattholti og er hann spenntur að sjá hvernig það er allt saman litli kúturinn:)
Endalaust erum við Jónmundur á leiðinni í ræktina en einhvern vegin þá slugsum við það alltaf hreint...en þetta fer alveg að koma hjá okkur!!!
Maður var valin í nefnd til að sjá um Eimuvision (söngvakeppni Eimskips) sem er þarnæstu helgi og verður það nú aldeilis fjör hjá okkur:)

Árshátíð JOCO

2006-10-15T20:58:00.000Z

Við stigum upp í rútu fyrir utan Hótel Sögu kl 10 í gærmorgun, keyrðum upp í Gvendarbrunna en þaðan fáum við vatnið okkar, eftir stutta skoðunarferð biðu Guðmundur og félagar úr Orkuveitu Reykjavíkur með dýrindis Brunch handa okkur, alveg ótrúlega flott hjá þeim. Svo var brunað að Hallgrímskirkju en þar hittum við Birnu Þórðardóttur sem leiddi okkur í gegnum miðbæinn í hávaðaroki, grenjandi rigningu og skítakulda. Jóhann Ólafs sjálfur sýndi okkur hvar fyrirtækið byrjaði og gamlar sögur í tengslum við það allt saman. Okkur var orðið svooo kalt en þessi ganga stóð í 2 tíma...þegar þessu öllu saman var lokið skunduðum við upp á hótel og tjékkuðum okkur inn, beint í heitt bað og lögðum okkur aðeins...Svo hafði maður sig bara til í rólegheitunum og mættum í Sunnusal kl 19:00 í fordrykk. Laddi var skemmtanastjóri og sló hann alveg í gegn kallinn, hann er svo fyndinn að við öskruðum úr hlátri, hann tók eitt af mínum uppáhaldslögum: Ég pant spilá gítar!!! Maður söng með af innlifun alveg hreint og gert smá grín að manni fyrir vikið, en ég skemmti mér konunglega. Svo fengum við alveg þennan dýrindismat, hörpuskel, andalifrarterrife og hægeldaða önd í forrétt, dádýralund í aðalrétt sem var bara frábær og bráðnaði alveg í munninum á manni, svo í eftirrétt var G eð V eik Valhrona súkkulaðikaka jammí (G eð V eik er sem sagt í höfuðið á GV heildverslun!!!) svo spilaði Saga Class stuðtónlist fram á nótt. Þetta var alveg rosa vel heppnað og skemmtilegt kvöld. Það var einhver misskilningur með morgunmatinn en okkur var sagt að hann væri til 11 svo við mættum kl 10:10 í morgun en var vísað í burtu en þá kom í ljós að hann var bara til 10, við vorum þarna 4 pör sem fórum á sama tíma en hittumst svo öll fyrir algjöra tilviljun í Bakarameistaranum í hlíðunum :) Bara fyndið, allir að deyja úr hungri náttúrulega!!!
Kíktum svo á Guðmund í pizzu í kvöld sem var bara gott.
Helgin var í einu orði sagt frábær:)

Spenningur fyrir helginni

2006-10-12T20:14:00.000Z

Maður er að verða soldið spenntur fyrir helginni, fyrirtækið sem Jónmundur vinnur hjá er 90.ára og ætlar af því tilefni að bjóða starfsfólki og mökum upp á skemmtilegheit, við mætum kl 10 á laugardagsmorgun á Hótel Sögu, förum þaðan upp í rútu og gerumst túristar í Reykjavík, förum að skoða Gvendarbrunna og eitthvað...svo förum við upp á hótel og eigum frjálsan tíma frá 15-20 en þá mætum við í einhvern voða fínan mat og svo er einkaball fyrir okkur fram á nótt og svo þegar menn eru orðnir þreyttir þá fara menn bara á hótelherbergið sitt að lúlla sér:) verður örugglega ofsalega fínt og gaman:)
Annars er nú ósköp lítið að frétta af manni...ligg heima í leti eins og er, nenni engu. Gengur bara vel í skólanum, er að fá voða fínar einkunnir fyrir verkefni og próf svo það er bara allt í gúddí með það.
Endilega kommentið, það er svo gaman að vita hverjir eru að kíkja hérna á mig...
Góða helgi.

Helgin...

2006-10-08T23:31:00.000Z

Maður gerir fátt annað þessa dagana annað en að læra, vinna og sofa...ég hef ekki legið í leti síðan ég veit ekki hvenær:( Maður reynir nú samt aðeins að hitta ættingja og vini og fór ég því til Keflavíkur á föstudaginn eftir vinnu, kíkti á Hrafnhildi og co, sótti Bjarndísi sem var hjá okkur fram á kvöld, Róbert litli kom líka á föstudaginn litli kallinn...hress að vanda. Við Bjarndís skruppum í Snælandsvideo og sóttum ís fyrir liðið...mín skrautlegasta ísferð hingað til, litla stúlkan sem afgreiddi okkur sem var ekki mikið meira en fermd var að gera ís í fyrsta skipti og við náttla með bragðaref og vesen...Jónmundur fékk tonn af jarðarberjum í sinn en ég bara 2 stk en 5 matskeiðar af Daim og Bjarndís greyið vildi fá mars í sinn en það var klessa c.a. 10 cm í þvermál í skálinni og mín bara tróð þessu ofan í glasið með ísnum...ég sprakk úr hlátri vegna þess að mér fannst þetta fullmikið og svona misjafnlega vel skammtað í bragðarefina, aumingja stelpan roðnaði og ég spurði hvort þetta væri nú ekki soldið mikið að marsi og hún tók alveg smá af...svo hrærði hún þetta nánast ekkert og aumingja Bjarndís þurfti skál og hníf þegar heim var komið...
Við Jónmundur og Róbert gistum svo heima hjá Öddu mágkonu á laugardagsnóttina, vorum að passa fyrir hana...Jónmundur sá nú um þetta að mestu leiti þar sem ég var að læra á fullu. Róbert var alveg í skýjunum með að fá að vera svona lengi með Arnari frænda og við vissum hreinlega ekki af þeim í heilan sólarhring.
Við kíktum aðeins á ömmu bleiku en hún var að koma frá New York í morgun sú gamla, 80 ára og alltaf dreymt um að fara til USA og skellti sér bara í 10 daga til Mumma frænda...henni þótti þetta ótrúlega gaman, eitt fílaði hún þó ekki og það er hvað matarskammtarnir eru stórir, hún gat náttla ekkert borðað svona stóra skammta en henni fannst verst að afgangnum væri bara hent í ruslið. Hún meira að segja fór upp í Empire state building...eitthvað sem ég mundi ekki gera þó mér væri borgað vel fyrir...alveg þoli ég ekki lyftur og miklar lofthæðir...er meira svona jarðbundin;)
Danni vinur okkar á afmæli í dag og kíktum við á þau skötuhjú í kvöld í kaffi, fengum ljúffengar veitingar að vanda hjá húsmóðurinni henni Elínu...takk fyrir okkur:)
Eitthvað hefur borið á kvörtunum vegna bloggletis en þetta er ekki leti heldur bara tímaleysi...ég sver það...

2006-10-05T15:21:00.000Z

Smá umhugsun um að þó að lífið sé ekki alltaf dans á rósum hjá okkur þá er það aldrei svona slæmt...

Úff púff og pelamál

2006-09-29T12:47:00.000Z

Eitthvað verið að kvarta yfir því að maður bloggi ekki...
Mikið búið að vera um að vera...skólinn kominn á FULLT skrið og ég hef barasta ekki undan í heimalærdómi, vinnu og húsmæðrastörfum!
Svo vorum við NÆSTUM búin að kaupa íbúð um daginn og allt nokkuð klárt, búið að lofa okkur íbúðinni og parketi með og við alveg að deyja úr spenningi, svo datt verktakanum það snjallræði í hug að hækka íbúðina sí svona um 1,2 milljónir og rukka okkur 500 þúsund fyrir parketið...
frekar skítt svo við afþökkuðum pent fyrir og erum alveg að gleyma íbúðinni!!!
Seldum bílinn líka um daginn og fengum Alfa Romeo "99 árgerð uppí sem er nánast alveg eins rauður og sportlegur og ógeðslega flottur vægast sagt svo maður er allavega sáttur við það.
Brjálað að gera í vinnunni eins og alltaf.
Við erum að fara á tónleikana á morgun með Magna og Dilönu og get ég varla beðið, er allavega ótrúlega spennt, Gulla og Bóas ætla að koma með okkur.
Við Binna ætlum að rifja upp gamalt kojufyllerí í kvöld, þegar gítarstrengir voru slitnir, sungið í karókí og mikið hlegið, ætlum að reyna að endurupplifa þetta skemmtilega kvöld í kvöld:)
See ya...

Oy mate!

2006-09-17T22:04:00.000Z

I don't bloody Adam and Eve it!
Aint seen you in donkeys!
Lend us a lady mate!
He´s always telling porkies!
Get off your queen mum!
Cockney enska er svo skemmtileg og fyndin...hver sá sem getur þýtt þetta er cockney fær!!!
Þegar ég bjó í London þá lærði ég cockney ensku, og skyldi varla stakt orð þegar ég fór fyrst út þótt ég taldi mig vera sleipa...en svo kom þetta smátt og smátt.
Skólinn er byrjaður á fullu og er ég í Stæ, Ísl og Ens, ég bjóst við að fljúga í gegnum enskuna en held að raunin sé önnur...hef enga svaðalega reynslu í viðskiptaensku þó að hreimurinn sé fínn að þá er orðaforðinn ekki upp á marga fiska og er ég búin að liggja sveitt yfir heimalærdóminum! Mér líst samt mjög vel á námið og kennarana og held ég eigi spennandi vetur í vændum:)
Helgin var ansi róleg hjá okkur og höfum við gert lítið annað en slaka á miðað við hamagang síðustu vikna...Bóas hringdi í okkur í gær og vildi endilega sýna okkur íbúð á völlunum í Hafnarfirði, við rukum náttla af stað og íbúðin er æði...kannski ekki á besta stað en samt eitthvað svo mátulega stór og vel skipulögð og allt en við kíktum nú bara svona í ganni...erum ekkert að fara að kaupa hana.
Guðmundur mágur minn og co fengu sér lítinn stelpuhvolp í gær og guð minn góður hvað hún er sæt og góð, var að vísu ofsaleg bæld eitthvað fyrstu klukkutímana en lagaðist svo...við höldum að það hafi verið farið illa með hana greyið...hún datt bara niður og vældi þegar átti að setja á hana keðjuól en ekkert mál þegar hún fékk leðuról...greyið litla...var líka ógeðslega skítug þegar hann sótti hana en Guðmundur þreif hana og er hún öll að lifna við, ég væri alveg til í að eiga hund ef maður hefði húsnæðið fyrir hann.
Cheers mate!

Back to school

2006-09-11T11:39:00.000Z

Skólinn er að byrja hjá mér í dag...og er ég eins og lítill krakki...get ekki beðið en samt soldið stressuð...hlakka samt svo til...
Óskið mér góðs gengis:)
9/11 í dag...hvar voruð þið þegar þið heyrðuð af árásinni á Tvíburaturnana???

Magni Magni Magni

2006-09-07T13:19:00.000Z

Ég var með hnút í maganum, hjartað sló svo hratt og ég var farin að svitna þegar átti að fara að segja hver af strákunum væri í neðstu þremur...svo sagði Brooke Magni og ég get svo svarið fyrir það að ég var að fara að grenja þar til hún sagði honum að setjast...þá horfðum við Jónmundur á hvort annað alveg ótrúlega hissa og ánægð...stukkum á fætur og fögnuðum brjálað:) Hann er Gulldrengur hann Magni, ótrúleg hetja...ég hef aldrei verið svona spennt yfir velgengni íslendings...bara áfram Magni!
Ég er í fríi eftir hádegi í dag og ég er að fara að koma mér af stað að kaupa skólabækurnir, skólinn er jú að byrja á mánudaginn...ég er alveg hrikalega stressuð eitthvað yfir þessu en samt svo spennt og ánægð með að hafa látið verða af þessu en samt svo hrædd um að klúðra málunum en samt svo ákveðin í að standa mig arrrghhh...ég er bara pínu dramadrottning:)
Svo kemur Róbert litla rassgat á morgun og ætlum við að gera eitthvað skemmtilegt öll saman, alltaf gaman þegar hann kemur litli kallinn:)
Jæja ég er farin að erindast...

Veislueldhúsið heima...

2006-09-01T21:15:00.000Z

Jú jú þeir eru að koma sér fyrir hérna Jónmundur og Danni...nú á að fara að undirbúa enn eina veisluna, þeir eru svo duglegir strákarnir. Svo "stóra" eldhúsið mitt verður undirlagt eftir augnablik, það er bara notalegt að hafa þá svona heima að gera þetta. Svo eigum við konurnar Elín og ég að þjóna...hmm hmm, jaaaaa fyrst ég komst klakklaust í gegnum Efta fundinn á Höfn í sumar að þjóna Prinsinum og prinsessunni af Lichtenstein og utanríkisráðherrum Sviss, Noregs og fleirum þá hlýt ég að komast einhvern vegin í gegnum þetta...vonandi allavega:)
Annars ætla ég bara að slappa af í kvöld enda þvælist maður bara fyrir fagmönnunum sko:)
Svo á Sunnudaginn ætlar Hákon hinn góði að setja upp fartölvuna fyrir okkur, var e-h slappur í gær kallinn svo ég hlakka mikið til þess að fá hana í gang, ekki það að hún kemst alveg í gang það er bara ekkert inná henni hehehe...
Ég óska ykkur bara góðrar helgar...
Ta Ta for now...

Lasarus

2006-08-30T12:32:00.000Z

Skyldi maður ekki hafa náð sér í eitt stykki pest takk fyrir pent!!! Var heima í gær og leið satt best að segja mjög illa en er öll að koma til núna...ég verð samt alltaf svo eirðarlaus þegar ég verð veik, langar ekki til að liggja í rúminu en meika ekki neitt samt...Sjónvarpsdagskráin ekkert spennandi fyrir utan magnaða spennu í Nágrönnum, hef aldrei vitað aðra eins dramatík...þetta er að líkjast Bold and the beautyful!
Við fórum og náðum í kaggann upp í Heklu á Þriðjudaginn eftir vinnu og það var þetta fjandans vélarljós sem var að bögga okkur eina ferðina enn, byrjaði fyrst nokkrum dögum eftir að við keyptum bílinn í fyrrasumar og okkur var alltaf sagt að þetta væri ekki neitt nema fyrir einhverju síðan að þá var okkur sagt að þetta væri skynjari í pústinu sem þyrfti þá að skipta um ef að ljósið kæmi aftur, nema hvað að þetta var svo ekkert það þegar uppi var staðið heldur einhver ventill og rör og leiðslur eða eitthvað og átti að kosta tæpar 40.000 kr...þegar átti að borga sagði ég bara eins og er að mér fyndist hálf fúlt að þurfa að borga fullt verð og hefði fundist að það hefði átt að laga þetta þegar ljósið kom fyrst en ekki bíða fram yfir ábyrgð því þetta vandamál hefði verið frá upphafi...eftir smá spjall á kurteisu nótunum rétti maðurinn mér lykilinn og sagði að Hekla mundi borga þetta hehehe...ég var svo ánægð...mér leið eins og ég hefði unnið í lottói...en hugsið ykkur ef maður hefði ekkert sagt...þá væri ég 40.000 kr fátækari!!
en ef einhver hefur áhuga á að kaupa bílinn minn þá er hann til sölu...
Kveð að sinni...

Pabbapizza

2006-08-26T22:26:00.000Z

-Pabbi að hnoða í pizzur-
Í gær var pabbapizzupartý, pabbi bakar heimsins bestu pizzur og hnoðaði í nokkrar í gær, ohhh svo góðar, fékk uppskriftina loksins og aldrei að vita nema maður bjóði bráðum í pizzu:)
En svo fóru pabbi og Veigar til Danmerkur í morgun, maður barðist við tárin, segi nú ekki að það hafi alveg gengið því nokkur féllu á leiðinni heim og þegar heim var komið:( En takk fyrir komuna, það var svo gaman að hafa ykkur og þó að Róbert hafi vitað að þið færuð heim meðan hann svæfi þá skyldi hann ekkert hvar þið voruð í morgun og af hverju þið væruð farnir:)
Fórum í afmæli til Unu í kræsingar og góðgæti...ekki grennist maður í dag!!!
Ég er að fara í Háskólann í Reykjavík í undirbúningsnám fyrir HMV og er ótrúlega spennt yfir því, byrja 11. september. Undirbúningsnámið er einmitt fyrir svona slúbberta eins og mig sem ekki hafa lokið stúdentsprófi. HMV er Háskóli með vinnu. Ætla bara að byrja á því að klára þennan vetur og ákveð svo í vor hvað ég geri í framhaldinu.
Annars verð ég að segja frá smá í Austurlandsferðalagi Pabba og Jónmundar, þeir gistu á Norðfirði á Hótel Egilsbúð, þetta var víst hrikalegt og aðstaðan verri en á verbúð, ekki nóg með það að þá spurði daman í afgreiðslunni þegar þeir komu hvort þeir ætluðu NOKKUÐ að fá morgunmat, þeir náttla hálf orðlausir gubbuðu hálfpartinn út úr sér uhhh júúúú eiginlega. Svo skelltu þeir sér á barinn í einn öl, búnir að vera í smá stund þegar hún bara lokar á þá og hendir þeim þannig séð í bólið...mælum ekki með þessu "hóteli" Fengu nú samt sitt hvora brauðsneiðina í morgunmat greyin:)

Alein og yfirgefin

2006-08-22T18:52:00.000Z

-Amma og frænka-
Jónmundur fór í söluferð á Austfirðina og pabbi ákvað að skella sér bara með, ég er búin að heyra í þeim tvisvar í dag og virðist sem þeir hafi bara gaman af, voru að skríða inn á Egilsstaði fyrir um 2 tímum síðan. Þeir hittu Öldu og Magga á leiðinni og fóru í kaffi og með því í húsbílnum þeirra...aldeilis heppnir.
Helgin var viðburðarrík...afmæli hjá ömmu á Föstudaginn, heldur betur fjör þar, maður hitti eitthvað af ættingjum sem maður hefur ekki séð lengi, og öll nýjustu litlu krílin KLING!!! algjörar dúllur öll sömul.
Við pabbi og Veigar kíktum á alþjóðarallið, eða
horfðum á þá á síðustu brautinni. Svo fórum við pabbi og tókum ömmu, Öldu og Magga með okkur að horfa á flugeldasýninguna á menningarnótt, alltaf jafn fallegt að horfa á sprengjurnar.
Pabbi og Veigar skelltu sér í golf með öðrum ættingjum á Sunnudaginn og fórum við Jónmundur að kíkja á þá, við urðum svona líka veik og held við verðum bara að fara að fá að prófa. Eftir golfið var ákveðið að öll fjölskyldan sem enn var í bænum skyldi snæða saman hjá Steinu frænku, maturinn var eldaður af Jónmundi og Rögga heima hjá okkur og svo bara keyrðum við hann yfir til Steinu, býr nú ekki nema hinum megin við Reykjanesbrautina, þar vorum við 20 manns að snæðingi.
Nú styttist óðum í að skólinn byrji, ég er rosalega spennt en líka kvíðin...kannski ræð ég ekkert við þetta en það kemur bara í ljós.
Svili minn góður er búinn að redda okkur 4 mánaða helvíti öfluga fartölvu á gjafaprís og fáum við hana á Föstudaginn, ég er eins og lítill krakki og get varla beðið, borðtalvan okkar er svo hæg og leiðinleg stundum.
Ég er bara ein og yfirgefin í kotinu...ætli maður skelli ekki bara í sig einum köldum!!!
Skál!!!

Skúra, skrúbba, bóna og baka!!!

2006-08-16T23:19:00.000Z

Já ég er sko aldeilis búin að vera dugleg í kvöld, búin þrífa allt hátt og lágt...pabbi minn er loksins að koma til landsins á morgun og ég get ekki látið hann koma heim til mín í drasl og skít, hann stoppar í tæpa viku og ég hlakka svooo til að knúsa hann:) Svo er ég búin að baka 4 kökur fyrir ömmu mína sem á afmæli 18. Ágúst og verður hún 80.ára...hleypur út um allt sú gamla...eldhress:)
Þrátt fyrir þennan hamagang í manni þá lágum við skötuhjúin kylliflöt yfir skjá1 áðan og horfðum á Rockstar...erum alveg húkt á þessum þætti og styðjum Magna að sjálfsögðu 100% hann er alveg að standa sig með sóma drengurinn og gott betur en það!!!
Hvað er með þessa mótmælendur þarna fyrir austan...hefur þetta pakk ekkert betra að gera við tímann...þarf það ekkert að vinna...hvar fær það peninga...og hvað fær það út úr þessu öllu saman...nei í alvöru talað, heldur þetta lið að það verði hætt við framkvæmdir...LÍKLEGT!!! Frænka sem vinnur þarna hjá Bechtel varð nú vitni að þessum ósköpum í morgun...fór og kíkti á liðið í krananum...heyrðu annar gaurinn pissaði úr krananum og lentu nokkrir pissdropar á bílnum hjá frænku...æji vá hvað ég hef oft æst mig yfir þessu liði...fer fátt meira í taugarnar á mér en einhverjir auðnuleysingjar að skipta sér af einhverju sem þeim kemur ekki rassgat við...GO HOME!!!

VELKOMIN!!!

2006-08-15T09:19:00.000Z

Jæja þá er maður að fara að prófa þetta "nýjasta" æði sem hefur gripið landann, ég er alltaf eitthvað hrædd við svona nýtt rafrænt dót en látum flakka og sjáum svo hvernig gengur!!!
Mun setja inn einhverja almennilega færslu við fyrsta tækifæri...later!!!